Agt vermeende bendelede is gister in aanhouding geneem en sal na verwagting volgende week weer voor die Klerksdorp-landdroshof in Noordwes verskyn.
Sewe beskuldigdes, wat na bewering lede van die Al-Kaïda-bende in Jouberton buite Klerksdorp is, is Sondag in hegtenis geneem en een Maandag nadat hulle glo twee mense aangeval, geskiet en doodgeskiet het en nege ander gewond het.
Berigte dui daarop dat lede van ‘n mededingende bende, Boko Haram, in ‘n snoepie was om ‘n sogenaamde beskermings fooi in te vorder toe die beskuldigdes in vier voertuie opgedaag het.
Polisiewoordvoerder, brigadier Sabata Mokgwabone, sê dit het tot konflik tussen die twee bendes gelei.
“Na ‘n argument wat tussen die twee groepe ontstaan het, het Al-Kaïda-bendelede wat met messe en vuurwapens gewapen was, verskeie skote afgevuur. Gevolglik is lede van Boko Haram beseer en ander het weggehardloop. Volgens inligting het lede van Al-Kaïda later die aand ‘n huis bestorm en op Boko Haram-bendelede geskiet terwyl hulle televisie gekyk het by ‘n huis by Uitbreiding 7. Die skietvoorval het gelei tot die dood van twee mans, onderskeidelik 36 en 38 jaar oud. terwyl ander beseer en hospitaal toe geneem is.”
