Omstanders het ‘n video van ‘n CIT-roof geneem terwyl hulle naby die Nyoni-brug tussen Mandeni en Gingindlovu geparkeer was.
’n Video wat wyd op sosiale media versprei word, wys die oomblik toe ’n groep rowers Dinsdag springstof gebruik het om toegang tot ’n transitowa te kry.
Die brutale rooftog het omstreeks 18:00 op die N2 tussen Mandeni en Gingindlovu plaasgevind.
Omstanders het meer as ses minute se videomateriaal van die rooftog vasgevang, insluitend twee afsonderlike ontploffings wat plaasgevind het om toegang tot die gepantserde bakkie en sy inhoud te verkry.
Dit blyk dat ongeveer 10 mense betrokke was wat twee bakkies gebruik het om die gesteelde kontant te vervoer voordat hulle suidwaarts op die N2 ontsnap het.
Albei bemanningslede van die transitowa is tydens die voorval beseer, waarvan een in die been geskiet en hospitaal toe geneem is vir verdere behandeling.
