Mase Manopole, LUR vir grondhervorming in die Noord-Kaap, sê die departement gaan nie meer miljoene rande pomp in mislukte boerderyprojekte wat ondanks bystand van die regering nie posgevat het nie.
Manopole, wat vir ‘n tweede termyn na die portefeulje terugkeer, sê haar kantoor word oorval met oproepe om bystand van baie boere met gebrekkige hulpbronne.
Die LUR sê hulle maak nou deure oop vir nuwelinge in die sektor.
“Ons kan nie aanhou om een entiteit vir ongeveer 10 tot 15 jaar te finansier nie. Ek het sopas sowat 14 000 aan jou voorgehou, as ek dit afrond, is dit sowat 15 000 boere wat by die Departement se boereregister geregistreer het. Dus, as jy een instelling of een entiteit vir ongeveer 10 tot 15 jaar befonds, is dit onregverdig teenoor ander boere en ook sal ons nie die sektor kan transformeer nie, want ons wil hê hulle moet van kleinskaalse na kommersiële boere beweeg.”
