Vier mans is op 26 November 2024 in hegtenis geneem nadat hulle by N17, Gosforth Tolhek onderskep is.
‘n Multidissiplinêre span wat bestaan het uit die Gautengse taktiese reaksiespan, anti-bende-eenheid, Gautengse verkeers-, Lugvleuel- en Private Sekuriteitsmaatskappye het intelligensie-inligting oor ‘n groep mans wat op pad was om ‘n roof in Johannesburg te pleeg, geoperasionaliseer.
Twee vermeende voertuie is van Wadeville tot by Gosforth Tolhek gevolg, waar hulle voorgekeer en deursoek is.
Drie gewere met magasyne en ammunisie is gevind. Verdere ondersoeke het aan die lig gebring dat een van die voertuie, ‘n Lexus, met vals registrasienommerplate toegerus was en gesteel is. Daar is ook beslag gelê op beide voertuie wat deur die verdagtes gebruik is.
Die Adjunk Provinsiale Kommissaris: Polisiëring, generaal-majoor Fred Kekana het die arrestasie verwelkom en die span bedank vir hul volgehoue gesamentlike pogings om misdaad in die provinsie te bekamp.
Die verdagtes is in hegtenis geneem en sal na verwagting binnekort voor die hof verskyn op aanklagte van die besit van ongelisensieerde vuurwapens en ammunisie.
