Inwoners van ‘n brandbeskadigde ouetehuis in Germiston is Donderdag na ‘n tydelike skuiling geskuif.
‘n Brand het vroeër die dag deur dele van die ouetehuis Die Anker geskeur en een persoon is dood.
Sentrumbestuurder Dess Rhoode het aan Jacaranda FM News gesê dat die fasiliteit sowat 40 mense huisves.
“Ek is gebel dat daar rook by een van die kamers uitkom. Ons het probeer om die kamer oop te maak, maar ons kon nie, so ons het die nooddienste gekontak, en hulle was baie vinnig.
“Daar was een dame binne die kamer. Ons het dit probeer oopmaak, maar ons kon nie daar kom nie, en uiteindelik, toe hulle die kamer oopmaak, is sy deur rook oorval. Ongelukkig is sy oorlede.
“In die fasiliteit het ons 40 inwoners, wat almal veilig is. Nie een van hulle het enige beserings of brandwonde gehad nie. Sommige van hulle moes vir rookinaseming behandel word. Slegs een is in die hospitaal opgeneem.
“Ons het hulle na ’n plek van veiligheid geneem waar ons hul families gaan kontak om hulle te kom haal, om vir sowat ’n week by hulle te bly totdat alles hierdie kant uitgesorteer is”.
Die polisie het ‘n ondersoek van stapel gestuur om die oorsaak van die brand te bepaal.
Hi is die senior mensies almal Okey en in wat se hospital is die beseerdes…