Een van die kindersake waaarvoor die meeste llank gewag het, het uiteindelik Maandag begin by die White City Veeldoelige Sentrum in Saldanhabaai.
Inwoners het in hul getalle opgedaag om die verrigtinge by te woon – ‘n eerste van sy soort in die gebied.
Jacquen Appollis, Steveno van Rhyn en Kelly Smith het almal voor regter Nathan Erasmus verskyn. Al drie die beskuldigdes pleit onskuldig op al die aanklagte.
Die staat het sy eerste getuie, ‘n polisiekonstabel wat voorheen deel was van die sigbare polisiëring, na die getuiebank geroep.
Die drietal het na bewering Joshlin Smith ontvoer en verhandel.
Joshlin het op 19 Februarie 2024 verdwyn. Sy is laas ná 17:00 gesien. Daar word beweer Joshlin is in die sorg van haar ma, Kelly se kêrel, Appollis, gelaat.
Toe hulle die sentrum binnegekom het, het die drietal gesond gelyk en gelyk of hulle in ‘n vrolike bui was. Hulle was nie in boeie terwyl hulle deur die polisie begelei is nie.
Daar was ‘n hewige polisieteenwoordigheid binne en buite die sentrum, terwyl verrigtinge begin het.
Regter Erasmus het om verskoning gevra vir die verrigtinge wat laat begin het en verduidelik dat daar sommige logistieke probleme was en aanpassings aan die lokaal moes gemaak word.
Inwoners wat in die gallery gesit het, is ook bewus daarvan gemaak dat toestande ongemaklik kan raak aangesien die lugversorging in die gebou nie in diens was nie.
Alle regsadviseurs is gevra of hulle enige probleme het en Nobahle Mkabayi, vir Van Rhyn, het aan die hof gesê haar kliënt het ‘n grief.
Sy het gesê Van Rhyn, wat in die Malmesbury-gevangenis aangehou word, wou binne die fasiliteit verskuif word.
Hy wil nie in ‘n enkele sel gehuisves word nie en wil onder die algemene bevolking wees.
Regter Erasmus het gesê dit is ‘n saak wat later deur die hof aangehoor moet word aangesien hy nie bewus was van hoe die behuising of verblyf by die tronk gereël is nie.
Die staat het ook die aanklagte teen die trio in die rekord gelees. Die groep staan tereg op aanklagte van ontvoering en mensehandel.
Die staat voer aan Joshlin is verkoop.
