In ‘n skokkende wending is vier individue, insluitend die kleinseun van voormalige Suid-Afrikaanse president Nelson Mandela, vanoggend in hegtenis geneem ná die herwinning van ‘n vermoedelik gekaapte voertuig by Mandela se historiese Houghton-woning in Sandton.
Die kleinseun wat naamloos bly hangende bevestiging van die Suid-Afrikaanse Polisiediens (SAPD) en verskyning in die hof, is gewikkel in ‘n saak wat kommer wek nie net oor die veiligheid van burgers nie, maar die kommerwekkende toestand van ‘n eens roemryke familie.
Volgens polisieverslae is die gekaapte voertuig gisteraand in Benoni geneem, met die verdagtes wat vermoedelik rondgery het terwyl hulle nog die voertuig se bestuurder by hulle gehad het.
Die gekaapte voertuig sowel aas ‘n ongelisensieëde vuurwapen is op die perseel gevind en vorm nou deel van ‘n kriminele ondersoek.
Die groep bestaan glo uit twee Indiese mans, ‘n wit vrou en twee swart mans, wat lae intrige by ‘n reeds komplekse saak voeg.
Volgens berigte van Vision Tactical, ‘n private sekuriteitsmaatskappy, het hul span saam met lede van die Suid-Afrikaanse Polisiediens (SAPD) die verdagtes suksesvol aangekeer nadat ‘n gesteelde motorvoertuig by die oudpresident se huis opgespoor is.
“Hulle sal teregstaan op aanklagte van die besit van ‘n gekaapte motorvoertuig en die besit van ‘n ongelisensieërde vuurwapen. Dit is met verligting dat ons kan bevestig dat die slagoffer van die kaping veilig en ongedeerd is,” het Xolani Fihla, woordvoerder van die Johannesburgse Metropolitaanse Polisiedepartement (JMPD), gesê.
Die Houghtonwoning – eens ‘n simbool van Mandela se nalatenskap – lê nou in verval, nadat dit onlangs media-aandag getrek het weens sy verslegtende toestand.
Berigte dui daarop dat die huis aansienlike verwaarlosing ondervind het sedert die oudpresident se kleinkinders uitgetrek het, nadat die Stad Johannesburg elektrisiteitsdienste gestaak het weens nie-betaling van munisipale rekeninge wat die hoogte ingeskiet het van R15 000 tot R50 000 maandeliks.
