Meer as 30 pasiënte is van die Algemene De La Rey-hospitaal in Lichtenburg in Noordwes na nabygeleë hospitale geskuif nadat die hospitaal gisteraand oorstroom is.
Die stormwaterstelsel kon nie water van die fasiliteit weg kanaliseer nie.
LUR van gesondheid, Sello Lehari, het die hospitaal geïnspekteer en sê dit sal tydelik gesluit wees vir instandhouding.
“Die uitdaging hier is nie mensgemaak soos hulle vir my gesê het nie, dit is vloede, oorstromings het gister gebeur. Baie departemente hier is geraak maar wat goed is van die bestuur van hierdie hospitaal hulle het daardie pasiënte verwyder, hulle was 33 pasiënte, die kraamsaal was ook geraak. So, daardie pasiënte is na die naburige hospitaal geneem.”
