Daar is dalk goeie en slegte nuus vir motoriste met ‘n moontlike daling in die dieselprys, maar ’n styging in petrolprys.
“Gegrond op die data word verwag dat ULP95 met ongeveer drie sent per liter sal styg, terwyl ULP93 na verwagting met 11 sent per liter sal styg. Dieselpryse sal na verwagting met ongeveer drie sent per liter daal, en verligtingsparaffien gaan na verwagting met sowat 14 sent per liter daal,” het die AA gesê.
Die AA het gesê die huidige vooruitskattings is middel-maand-data, en die prysvooruitsigte kan aansienlik verander oor die volgende twee weke voordat die amptelike Januarie-aanpassing aangekondig word, veral omdat die data nou na ‘n ander trajek neig.
“Aangesien baie mense in Desember en Januarie per voertuig sal reis, raai ons motoriste aan om noukeurig hul begrotings te beplan om te verseker dat hulle voldoende fondse het om hul uitgawes te dek, wat tolgelde op sekere roetes kan insluit.”
Die departement van minerale bronne en energie (DMRE) sal volgende maand die amptelike aanpassings aankondig, met die amptelik aangepaste brandstofpryse wat op Woensdag, 1 Januarie in werking tree.
