Die Grensbestuursowerheid het algemene vragverwerking en passasiersbewegings tydelik opgeskort ná nuwe betogings in Mosambiek.
Die grenspos werk sedert Oktober met tussenposes as gevolg van onrus ná die verkiesing in die buurland.
Die BMA het reisigers aangeraai om na Mananga Port of Entry te herlei terwyl die geweld voortduur.
Waarnemende kommissaris Jane Thupana het gesê samesprekings word met verskeie handelsverenigings en belanghebbendes gevoer oor voorgestelde gebeurlikheidsplanne.
“Dit is slegs vir voetgangers en klein motors. Hierdie opsie om na Managa te reis is tans nie haalbaar vir vragmotors nie as gevolg van soortgelyke betogings wat kommersiële goedere by Boane, Mosambiek teiken, wat daartoe sal lei dat vragmotors op die alternatiewe roete gestrand sal wees.
“In die lig van die veranderende situasie en om opeenhoping tot die minimum te beperk, beveel die BMA aan dat vervoerderoperateurs met depots in Komatipoort hul voertuie na daardie depots stuur.
“Ons beveel ook aan dat vervoerders in die aangewese area by KM7 parkeer, wat ‘n vragmotor-area is. Vervoerderoperateurs word versoek om nie nuwe voertuie na die hawe te stuur tot verdere kennisgewing nie,” het sy bygevoeg
