Sluit aan by Projek 10 000 – Staan saam vir jou regte!
Die Onteieningswysigingswet lê tans op president Cyril Ramaphosa se tafel en wag om onderteken te word. Hierdie wet kan moontlik die weg baan vir onteiening sonder vergoeding – ’n ernstige bedreiging vir eiendomsregte in Suid-Afrika, met grond as die primêre teiken.
Sleutelrolspelers in die ANC, MK, en EFF probeer Grondonteiening Sonder Vergoeding deur die agterdeur inbring. Reeds goedgekeur deur beide die Parlement en die Nasionale Raad van Provinsies, lê die Onteieningswysigingswet nou op die President se tafel, gereed om geondertekening te word. Dit gee meer as 200 regeringsinstellings die mag om enige eiendom van enige Suid-Afrikaner te onteien in ooreenstemming met die nuwe, uiters breë definisie van openbare belang.
Dit kan nie genoeg beklemtoon word nie: die eiendom wat vir onteiening in aanmerking kom, is nie beperk tot landbougrond nie. Enige eiendom kan onteien word, insluitend vaste eiendom soos stedelike behuising, en roerende eiendom soos pensioenfondse. Selfs al besit jy nie eiendom nie, kan die huis wat jy huur aan die staat oorgedra word, net soos die kruidenierswinkel waar jy jou kos koop.
Enige dag nou kan die vloedhekke oopgaan, en ons sal in die stryd van ons lewens wees.
Suid-Afrika staan op ’n kritieke kruispad, met deurslaggewende hofgevegte wat die toekoms van ons land, ons regte en toegang tot noodsaaklike hulpbronne sal vorm. Hierdie regsuitdagings is nie net geskille tussen organisasies en die regering nie—hulle verteenwoordig stryde vir geregtigheid, billikheid en die beskerming van elke Suid-Afrikaner se fundamentele vryhede.
TLU SA is nie oortuig daarvan dat hierdie eiendomme eensklaps op groot skaal deur die staat geneem word nie, maar die feit dat die staat ‘n meganisme skep om dit te kan doen, skep onnodige onsekerheid. En dit is waarteen ons baklei.
TLU SA glo dit is noodsaaklik om nou reeds aksie te neem. Die beginsel van eiendomsreg is die fondament van vryheid en ekonomiese vooruitgang. As grond sonder vergoeding onteien kan word, is daar geen waarborg dat ander vorme van eiendom in die toekoms beskerm sal wees nie.
Die tyd om op te tree is nou.
Ons benodig 10 000 Suid-Afrikaners wat saam met ons staan in hierdie belangrike saak. Die hof sal binnekort ’n sleutelrol speel in die stryd teen hierdie wetgewing, en jou ondersteuning kan ’n groot verskil maak.
Hoe jy kan help:
Sluit aan by Projek 10 000: https://www.tlu.co.za/veldtog/projek-10-000/
Deel hierdie boodskap: Help ons om hierdie veldtog te versprei deur dit met jou vriende en familie te deel. Hoe meer mense betrokke raak, hoe sterker staan ons.
Deur saam te werk, kan ons opstaan vir regverdigheid en die beginsels beskerm wat vir ons as Suid-Afrikaners kosbaar is.
