’n 25-jarige Brasiliaan is Sondag by OR Tambo Internasionale Lughawe gearresteer vir beweerde dwelmhandel as gevolg van die polisie se geoperasioneerde intelligensie.
Volgens die polisie het die verdagte pas vanaf São Paulo in Brasilië geland toe hy in hegtenis geneem is. Polisiewoordvoerder lt-kol Amanda van Wyk sê daar is beslag gelê op dwelms ter waarde van meer as R1,8 miljoen.
“Hy is in besit gevind van meer as drie kilogram dwelms wat om sy liggaam gedraai was, wat later bevestig is dat dit kokaïen is met ‘n geraamde waarde van R1,8 miljoen,” het sy gesê.
In ‘n tweede voorval is ’n 44-jarige vroulike Brasiliaanse dwelmmuil is by OR Tambo Internasionale Lughawe in hegtenis geneem nadat sy Donderdag vanaf Sao Paulo geland het.
Athlenda Mathe, nasionale polisiewoordvoerder, het gesê die onlangse verdagte is ook gevind met kokaïen ter waarde van R1,9 miljoen om haar bolyf toegedraai.
Mathe het gesê die vrou staar ‘n klag van dwelmhandel in die gesig en sal binnekort voor die Kempton Park-landdros verskyn.
“Dit is die tweede dwelmsmokkelaar wat vandeesweek in hegtenis geneem is met kokaïen wat om hul bolyf gedraai is,” het Mathe gesê.
In Oktober en November is sowat 14 beweerde dwelmmuile gearresteer, met die polisie wat in Oktober minstens een verdagte per week in hegtenis geneem het.
“OR Tambo Internasionale Lughawe-polisie gaan voort om dwelmsmokkelaars uit te snuffel terwyl hulle land en ‘n sterk boodskap uitstuur dat SA nie ‘n speelplek vir dwelmsmouse is nie,” het Mathe gesê.
