Die Polokwane-streekhof het Vrydag die borgtogaansoek van die Limpopo-varkplaaseienaar, Zachariah Olivier, uitgestel.
Olivier se borgtogaansoek is tot 18 Februarie uitgestel, wanneer hy hom weer by sy medebeskuldigdes, Rudolph de Wet en William Musora, in die Mankweng-landdroshof sal aansluit.
Die trio het na bewering in Augustus vir Maria Makgato en Lucia Ndlovu doodgeskiet en hul liggame aan varke by die Onvervaght-plaas in Sebayeng buite Polokwane gevoer.
Hulle staan tereg op aanklagte van moord, die besit van vuurwapens en ammunisie, asook regsverydeling.
Musora, wat ‘n buitelandse burger is, staan ook tereg op ‘n aanklag van die oortreding van die Immigrasiewet.
“Die staatsake teen Zachariah Johannes Olivier kon nie voortgaan nie aangesien dit vir borgtogaansoek gestel is weens die penarie wat die verdediging teëgekom het rakende die onbeskikbaarheid van die advokaat wat veronderstel was om die borgtog te doen,” het Mashudu Malabi, woordvoerder van die Nasionale Vervolgingsgesag, gesê. Dzhangi.
De Wet en Musora het vroeër vandeesmaand hul borgtogaansoek in die Mankweng-landdroshof laat vaar.
Hul saak is vir verdere ondersoek uitgestel.
