“Dit is met diepe leedwese dat ons die nuus deel dat Mia Le Roux, Mej Suid-Afrika 2024, weens gesondheidsprobleme aan die Mej Heelal-kompetisie moes onttrek,” het die Mej Sauid-Afrika organisasie uit Mexiko gesê, waar hulle Le Roux ondersteun het tydens hierdie uitdagende tyd.
Die verklaring is uitgereik op die amptelike Miss South Africa Instagram blad.
https://www.instagram.com/p/DCYFZPqobOW/?utm_source=ig_embed&utm_campaign=loading
“Ek is innig dankbaar vir die onwrikbare ondersteuning van Suid-Afrika tydens my tyd by Mej. Heelal
“Om hierdie besluit te neem was ongelooflik uitdagend, met die wete van die drome en hoop wat op my geplaas is.”
Mia se woorde sluit ‘n opwindende tyd af waarin sy Mej Suid-Afrika met waardigheid kon verteenwoordig in Mexiko. Haar gesondheid laat haar egter nie toe om verder deel te neem nie en ongelukkig moes sy ‘n dag voor die kompetisie onttrek. Dit is onduidelik wat haar gesondheidstoestand op hierdie stadium is.
“Ek is egter diep dankbaar om die geleentheid te hê om op my gesondheid en herstel te fokus sodat ek kan voortgaan om my land met volle krag te dien,” het sy bygevoeg en haar verbintenis tot haar verantwoordelikhede as ‘n verteenwoordiger van Suid-Afrika versterk.
Die volgehoue ondersteuning van die Mej Suid-Afrika-organisasie word beklemtoon in hul verklaring: “Mia het ongelooflike moed en grasie getoon deur hierdie moeilike tydperk. Haar gesondheid en welstand is ons hoogste prioriteit, en ons staan aan haar sy, toegewyd om te verseker dat sy haar krag herwin en na volle gesondheid terugkeer.”
Die verklaring maak dit baie duidelik dat die organiseerders van Mej Suid-Afrika Mia ten volle ondersteun en haar privaatheid sal respekteer tydens haar herstelperiode. “Ons harte is met haar terwyl sy die nodige stappe neem om te herstel,” het hulle gesê.
Ons wens Mia ‘n spoedige herstel toe.
