Oos-Kaapse polisiewoordvoerder, kaptein Andre Beetge, het gesê daar word beweer dat die slagoffer, ‘n 47-jarige Chinese burger, besig was om ‘n winkel oop te maak toe hy deur drie manlike verdagtes genader is.
Beetge het gesê die slagoffer is “met brute krag” in ‘n wit Ford Ecosport gedruk en hulle het met hom weggery.
“Die voertuig is ‘n rukkie later in New Brighton teruggevind sonder insittendes. Dit is gekonfiskeer vir verdere forensiese ontleding.”
Hy het gesê ‘n saak van ontvoering is geopen en word deur die SAPD Humewood ondersoek.
Enige persoon met inligting wat kan help met die ondersoek kan die ondersoekbeampte by SAPD Humewood, speur-ao Johan Raubenheimer by 074 430 6048 of alternatiewelik Stop Misdaad by 08600 10111 kontak.
Die Direktoraat vir Prioriteitsmisdaadondersoek Valke) het Dinsdag bevestig dat ‘n 20-jarige student vrygelaat is ná sy ontvoering die naweek.
Qays Mohaned Hersi Mohamoud is met ‘n vuurwapen gegryp terwyl hy met sy VW Tiguan op die hoeke van Aubreystraat en Kobusweg in Parkside gery het.
Ontvoering is ‘n ernstige probleem in Suid-Afrika, met die land wat een van die hoogste ontvoeringsyfers ter wêreld het:
Aantal ontvoerings
In die 2022/2023-tydperk is meer as 15 000 ontvoerings by die polisie aangemeld. In die derde kwartaal van 2023 was daar 4 577 ontvoerings, wat ‘n toename van 11% is vanaf die vorige jaar.
Ontvoeringsyfer
Suid-Afrika het die hoogste ontvoeringsyfer in Afrika, met 9,57 ontvoerings per 100 000 mense. Wêreldwyd is Suid-Afrika sesde vir ontvoering vir losprys.
Teikens
Ontvoeringsindikate teiken dikwels mense met ‘n hoë netto waarde, studente, senior sakebestuurders en migrante wat winkeleienaars is.
Impak
Ontvoering kan ‘n ernstige impak op slagoffers en hul gesinne hê, insluitend sielkundige trauma, finansiële verlies en onbeplande hervestiging.
Verslagdoening
Jy kan ‘n misdaad in Suid-Afrika anoniem aanmeld deur Crime Stop by 08600 10111 te skakel.
Straf
Die minimum vonnis vir ontvoering in Suid-Afrika is vyf jaar tronkstraf
