’n Lasbrief vir arrestasie is uitgereik vir drie mans wat na bewering verbind word met die moord op Sakhela Buhlungu, visekanselier van die Universiteit van Fort Hare, se lyfwag.
Athlenda Mathe, nasionale polisiewoordvoerder, het gesê: “Die trio skuil glo tussen Natal en die Oos-Kaap provinsies.
“Die driemanskap word gesoek vir die moord op Mboneli Vesele wat by die Universiteit van Fort Hare (UFH) as lyfwag van die visekanselier in diens was.”
Sy het gesê ‘n intensiewe ondersoek deur die Nasionale Taakspan wat Politiek ondersoek, het tot dusver 10 verdagtes gearresteer wat drie universiteitswerknemers insluit.
“Daar word beweer dat die verdagtes die hele ding georkestreer het om sekuriteitstenders toegeken te word.”
Die polisie doen ‘n beroep op enigiemand wat moontlik inligting het oor waar die verdagtes is om die ondersoekbeampte ao Nkosi by 082 557 5789, sers Mokoena by 081 851 7758 en sers Khorommbi by 063 695 8590 te kontak.
