Die bejaarde boer is tussen Kuruman en Hotazel vermoor met die vier verdagtes wat in hegtenis geneem is tussen die ouderdom van 18 en 26.
’n 81-jarige man is naby sy plaas in die Noord-Kaap vermoor.
Hendrik Venter is Vrydagoggend dood aangetref by die hek van ‘n naburige plaas.
Spoedige optrede van owerhede het die arrestasie van vier mans verseker ná net meer as 24 uur van die misdaad.
Venter het Vrydagoggend omstreeks 08:30 van sy plaas vertrek met die doel om na sy beeste te gaan kyk.
Sy lyk is net voor 10:00 gevind buite sy voertuig wat by die ingang van ‘n buurplaas tussen Kuruman en Hotazel geparkeer was.
Die bejaarde man het wonde aan sy kop opgedoen, met die oortreders wat na bewering ‘n onbekende bedrag geld van die oorledene geneem het.
Verskeie eenhede is onmiddellik gemobiliseer, met die polisie wat drie verdagtes by ‘n plek naby Hotazel opgespoor het.
In ’n poging om die verdagtes vas te trek, het twee ontsnap, maar een 25-jarige man is gevang.
Owerhede het voortgegaan om die verdagtes op te spoor, met die twee ontsnaptes en ‘n derde verdagte wat Saterdagoggend omstreeks 10:00 aangekeer is.
Die vier verdagtes wat tussen 18 en 26 jaar oud is, sal mettertyd in die hof verskyn.
