Warren O’Reilly van Gauteng het tydens ‘n diepsee tegniese duik in Sodwanabaai vermis geraak.
Die Nasionale Seereddingsinstituut (NSRI) het gesê die soektog na ‘n 50-jarige duiker wat aan die noordoostelike kus van Natal vermis geraak het, duur voort.
Warren O’Reilly van Gauteng het vroeër die week tydens ‘n diepsee tegniese duik langs Sodwanabaai vermis geraak.
Craig Lambinon, NSRI-woordvoerder, sê redders van NSRI St Lucia het Maandag na Sodwanabaai gereageer ná berigte van die vermiste duiker.
“Die SA Polisiedienste, Polisie Soek en Redding en NSRI Lucia het ‘n uitgebreide soektog van stapel gestuur, insluitend NSRI St Lucia reddingstuig, wat geen tekens van die vermiste duiker aan die lig gebring het nie. Dinsdag het ‘n SA Lugmag-helikopter, van SAAF 15 Eskader, met Polisieduikers aan boord, voortgegaan met die uitgebreide soekpogings, bygestaan deur die NSRI St Lucia-reddingstuig.
“Die soektog het suid uitgebrei tot anderkant St Lucia met die hoop dat die man opgeduik het en op see dryf,” het Lambinon gesê.
Lambinon het bygevoeg dat hoewel hulle tot dusver onsuksesvol was om O’Reilly op te spoor, ‘n soektog voortduur.
“Alle gedagtes is by die familie van die vermiste man in hierdie moeilike tyd”
Vermiste Franse rugbyspeler
Intussen wag die polisie op DNS-toetse om te bevestig of ’n ontbinde liggaam wat verlede maand by Kaapstad se gewilde Clifton-strand uitgespoel het dié van die vermiste Franse o.18-rugbyspeler Medhi Narjissi is.
Polisiewoordvoerder in die Wes-Kaap, luitenant-kolonel Malcolm Pojie, sê die lyk is aan die Forensiese Patologiediens oorhandig.
Na verneem word, het die 17-jarige Narjissi by Diaz-strand, Kaappunt, vermis geraak.
Lambinon het destyds gesê ‘n spanmaat wat onsuksesvol probeer het om Narjissi te red, het daarin geslaag om ongedeerd terug te keer na die kus.
“Dit het geblyk dat twee mense in die brandersone in sleurstrome was toe een persoon aan wal gekom het, maar die tweede persoon het moontlik in die water verdwyn. Ten spyte van ‘n uitgebreide soektog na die see, lug en kus is daar geen tekens van die vermiste tiener nie.”
Die Franse Rugbyfederasie (FFR) het gesê Narjissi en die Frankryk se rugbyspan was in ‘n bondsessie in Kaapstad toe Narjissi vermis geraak het.
