Nobuhle Nkabane, minister van hoër onderwys, het gesê die regering beëindig die huurooreenkoms vir die Nsfas-kantore in Kaapstad.
Die studentefinansieringskema betaal sowat R2 miljoen per maand aan huur.
Die Nasionale Finansiële Hulpskema vir Studente het onlangs in die Parlement onder skoot gekom vir die ondertekening van die huurooreenkoms.
Nkabane het gesê hulle wil hê dat Nsfas-kantore gedesentraliseer moet word en nie net in Kaapstad gesetel moet wees nie.
“Ons het die kantore besoek, ons het ons ou kantore besoek, maar toe ons na die ou kantore kyk, wat ons opgetel het, is dat dit nie kapasiteit het om al ons werknemers wat ons in Kaapstad het in ons hoofkantoor te neem nie.
“Die plan is om te desentraliseer. Ons gaan desentraliseer, ons gaan streekkantore in drie provinsies vestig, wat die Oos-Kaap, Gauteng en KwaZulu-Natal is.
“Dan kyk ons hoe ons dan die beste met satellietkantore in ander provinsies vorendag kan kom,” het die minister verduidelik.
“Ons beplan om werklik die kontrak wat ons met die verhuurder in ons Kaapstadse kantore het, te beëindig, want dit maak in elk geval geen besigheidsin nie.”
