Heidelberg SAPD vra hulp van die gemeenskap om twee sake van besigheidsroof op te los.
Op 3 Junie het ‘n rooftog plaasgevind by die Norvic Motors, Caltex-vulstasie-drankwinkel (Dop Shop), langs die R23.
Die persoon van belang is op CCTV vasgelê. Enigiemand met inligting oor waar die man hom bevind, kontak die polisie.
Die ondersoek na die rooftog by Diamante en Goud Plaaswinkel in Begemanstraat op 5 Junie verlede jaar duur ook steeds voort.
Die persone van belang is ook tydens hierdie rooftog op kringtelevisie vasgelê.
Rapporteer enige inligting aan die ondersoekbeampte speursersant Musa Sydwell Maluleke by 063 269 2561 of via die MySAPS-toepassing.
Alle inligting sal as vertroulik hanteer word.
