Minstens nege mense is dood nadat ‘n bus met 44 passasiers van die Van Rhynspas in die Wes-Kaap afgery het.
Die groot ongeluk het na verneem word Maandag omstreeks 17:30 op die R27 naby Vredendal gebeur.
Verskeie ander mense is na bewering in die ongeluk beseer.
Simon Zwane, woordvoerder van die Padverkeersbestuurskorporasie (RTMC), sê die presiese oorsaak van die ongeluk word nog ondersoek.
“Die ongeluk het een passasiersbus-tipe voertuig met ‘n vaste voorwerpbotsing behels. Daar word beweer die bus het 44 mense vervoer.
“Die busbestuurder het na bewering teen die kant van die berghelling gebots, waarna die bestuurder beheer verloor het en die bus teen die helling van die berg afgerol het. Opgedateerde inligting sal verskaf word sodra dit beskikbaar is,” het Zwane gesê.
Zwane sê die toneel is deur die Vanrhynsdorp-polisie bygewoon.
