Provinsiale polisiewoordvoerder, kol Robert Netshiunda het gesê ondersoekers het honderde vervalste items in die winkel se stoorfasiliteite ontdek.
Die vervalsingsbedryf kos Suid-Afrika se ekonomie na raming meer as R3,6 miljard jaarliks. In ‘n poging om dit te bekamp, het Sydenham SAPD onlangs ‘n 25-jarige man in Overport gearresteer in verband met die besit en verkoop van vals hoë-end selfone en klere-items ter waarde van meer as R3 miljoen.
Die klopjag het plaasgevind ná ‘n polisie-intelligensie-operasie wat hulle na ‘n winkel op die hoek van Brickfieldweg en Crescentstraat gelei het.
Provinsiale polisiewoordvoerder, kol Robert Netshiunda het gesê ondersoekers het honderde vervalste items in die winkel se stoorfasiliteite ontdek.
“Die polisie het ook ontdek dat die winkel net ‘n front was vir die verdagte se onwettige selfoonhandel. Honderde luukse klere-etikette en selfone is by die stoorgeriewe van die winkel gevind en daar is behoorlik beslag gelê. Alhoewel die verdagte beweer dat hy sy voorraad van die Gauteng provinsie kry, is ondersoeke aan die gang na die vermoede dat die goedere onwettig na die land verskeep is,” het kol Netshiunda gesê.
