Die Johannesburgse Nooddienste (EMS) ondersoek die oorsaak van die brand wat in die middestad van Johannesburg uitgebreek het, wat minstens 12 winkels verwoes het.
Die brand het na verneem word Sondagmiddag op die hoek van Jeppe- en Goudstraat in Joubertpark uitgebreek.
Xolile Khumalo, woordvoerder van Joburg EMS, het gesê die brandweerman het om 14:30 op die brandvoorval-oproep gereageer en het daarin geslaag om die brand ná ‘n paar uur te bedwing.
“12 Klein winkels is deur ’n brand op die hoek van Jeppe- en Goudstraat verwoes. Geen beserings is opgedoen nie.
“Die oorsaak van die brand word deur EMS-brandinspekteurs ondersoek. EMS doen steeds ‘n beroep op pakhuiseienaars, winkeleienaars en inwoners om altyd ekstra versigtig te wees en te verseker dat alle elektriese toestelle na gebruik afgeskakel is.”
