Drie van die vyf beskuldigdes in die Groblersdal R2 miljard-dwelmvoorval het hul borgtogaansoek laat vaar.
Die beskuldigdes het Vrydag in die Groblersdal-landdroshof verskyn.
Hulle is vasgetrek ná ‘n klopjag verlede maand op ‘n plaas in Groblersdal.
Hulle is drie Mexikaanse burgers, Gonzales Jorge (51), Gutierrez Lopes (43), en Rodriguez Vidan, die 67-jarige Suid-Afrikaanse boer Frederick Botha en die 35-jarige Simphiwe Khumalo.
Hulle is aangekla van die onwettige vervaardiging en handel in dwelms, die oortreding van die Wet op Onwettige Immigrasie en geldwassery.
Botha en Khumalo doen egter aansoek om borgtog.
“In gister se verrigtinge het Botha beweer die beskuldigde het sy plaas gehuur, maar het versuim om ‘n huurooreenkoms met die Mexikaanse burgers op te stel,” het Mashudu Malabi-Dzhangi, NVG-woordvoerder van Limpopo, gesê.
“Khumalo het in sy beëdigde verklaring gesê dat hy bloot sy pligte as vervoerder uitvoer, en beweer hy is gehuur om kos en asetoon af te lewer.
“Die ondersoekbeampte het getuig teen die toestaan van borgtog, met verwysing na openbare verontwaardiging en die ernstige aard van die misdade,”
Die saak is vir slotbetoë tot 06 Augustus 2024 uitgestel.
