Saamgestel deur Dr. Jann Schlebusch
Geagte volksgenoot,
Is jy oortuig daarvan dat ons volk se verhouding met ons hemelse Vader nie goed is nie? Is ons nie ook waar Israel was nie, toe God in Jes 1 vir hulle gesê het:
“:2 Hoor, o hemele, en luister, o aarde, want die HERE spreek: Ek het kinders grootgemaak en verhoog, maar húlle het teen My oortree.
3 ‘n Os ken sy besitter en ‘n esel die krip van sy eienaar, maar Israel het geen kennis nie, my volk verstaan nie …
:5 Waar wil julle nog geslaan word, dat julle voortgaan met af te wyk? Die hele hoof is siek, en die hele hart is krank.
:6 Van die voetsool af tot die hoof toe is daar geen heel plek aan nie, maar wonde en kwesplekke en vars houe! Hulle is nie uitgedruk of verbind of met olie versag nie.
:7 Julle land is ‘n wildernis, julle stede is met vuur verbrand, vreemdes verteer julle landerye in jul teenwoordigheid, en dit is ‘n wildernis soos by ‘n omkering deur vreemdes.
:8 En die dogter van Sion het oorgebly soos ‘n skermpie in ‘n wingerd, soos ‘n slaapplekkie in ‘n komkommertuin, soos ‘n beleërde stad …
:15 En as julle jul hande uitbrei, bedek Ek my oë vir julle; ook as julle die gebed vermenigvuldig, luister Ek nie …
:16 Was julle, reinig julle, neem die boosheid van julle handelinge voor my oë weg, hou op om kwaad te doen …
:18 Kom nou en laat ons die saak uitmaak, sê die HERE: al was julle sondes soos skarlaken, dit sal wit word soos sneeu; al was dit rooi soos purper, dit sal word soos wol.
:19 As julle gewillig is en luister, sal julle die goeie van die land eet.
:20 Maar as julle weier en wederstrewig is, sal julle deur die swaard geëet word; want die mond van die HERE het dit gespreek.”
Kom ons wees nou maar eerlik met onsself en ons God: Ons planne raak op. Maar by God is daar groot krag.
As jy saamstem, kom ons gebruik hierdie Augustus-maand om ons volk op te roep tot verootmoediging. Kom ons maak erns hiermee. Ons gaan probeer om van vandag af elke dag tot einde Augustus ‘n gebedsversoek of oordenking te plaas ons vra dat jy dit so wyd as moontlik versprei, sodat hierdie boodskap van hoop by soveel moontlik volksgenote uitkom.
Ons bid vandag dat die Heilige Gees ons volksgenote bewus sal maak van die noodsaaklikheid dat ons as volk voor Hom verootmoedig.
Navrae: Jann Schlebusch Whatsapp 072 959 3214; e-pos skakel.veva@gmail.com
