In ‘n ander saak in die Oos-Kaap is die 58-jarige Xolani Qanqane agter tralies gesit nadat hy ‘n minderjarige 27 jaar gelede verkrag het.
Die Zwelitsha-streekhof het Qanqane tot 11 jaar gevangenisstraf gevonnis. Die saak is in 2021 geopen, en die voorval het in 1997 gebeur.
Luxolo Tyali, NVG-streekwoordvoerder, het aan The Citizen gesê die nou 41-jarige vrou het die voorval aangemeld nadat sy op ‘n taxi afgekom het met nommers daarop geskryf, en besef het die bestuurder is die beskuldigde. Die beskuldigde was ‘n fotograaf toe die voorval plaasgevind het.
Tyali het bygevoeg dat die senior staatsaanklaer, Brenan Sam, bewyse moes vind om die slagoffer se weergawe na meer as 24 jaar te staaf.
“Met die hulp van die hofvoorbereidingsbeampte, Phelisa Matinise, kon die hoogs emosionele slagoffer akkurate getuienis lewer,” het Tyali gesê.
