Mediaverklaring Suid-Afrikaanse Polisiediens 2024/07/15
PRETORIA – Drie Chinese burgers en twee Mosambiekers is onder veertien ontvoerders wat deur die Suid-Afrikaanse Polisiediens (SAPD) se teenontvoeringstaakspan in Gauteng in hegtenis geneem is.
Die veertien het na bewering ‘n Zimbabwiese sakeman Sondag naby sy werkplek ontvoer.
Teen Maandagmiddag het die teenontvoeringstaakspan, wat ook ‘n aantal ander eenhede binne die SAPD insluit, wat nou saamwerk met private veiligheidsvennote, daarin geslaag om die ontvoerde slagoffer, veilig en lewend by ‘n geïdentifiseerde adres in Diepkloof, Soweto, te vind.
Hulle het ook daarin geslaag om die veertien ontvoerders op verskeie plekke op te spoor, die eerste agt is na ‘n woonstel in Greenstone Park opgespoor en die res is in Sandton in hegtenis geneem.
Veelvuldige spoedpuntmasjiene, ‘n groot bedrag kontant wat uit die slagoffer se bankrekening onttrek is, twee vuurwapens insluitend ‘n vuurwapen wat tydens ‘n huisroof in Linden in 2023 gesteel is, is van die items waarop beslag gelê is en van die ontvoerders teruggevind is.
Die SAPD kon die afgelope weke ‘n aantal ontvoerders onderskep wat met sindikate verbind word wat sakemanne ontvoer en groot bedrae losprys eis.
Gemeenskappe word versoek om voort te gaan om verdagte aktiwiteite in en om hul woonbuurt aan te meld, om te verseker dat ons saam beslissend met hierdie misdadigers omgaan.
