Die polisie is deur die swaar gewapende man gekonfronteer toe hulle die huis kragdadig moes oopmaak waar hy weggekruip het.
‘n 26-jarige verdagte wat in verband met ‘n driedubbele moord gesoek word, is dood in ‘n skietgeveg met beamptes van die Suid-Afrikaanse Polisiediens (SAPD) in Natal (KZN).
Jay Naicker, provinsiale SAPD-woordvoerder, het gesê beamptes van die Inanda-taakspan het voortgegaan na die Lusaka-gebied by Inanda waar die gesoekte verdagte weggekruip het.
“Hy is gesoek vir drie aanklagte van moord en een van poging tot moord. Terwyl polisiebeamptes die perseel betree het, is hulle gekonfronteer deur die verdagte wat gewapen was.
Die 26-jarige is in die skietgeveg dood. Nie een van die polisiebeamptes is beseer nie.
“ ’n Ongelisensieerde 9 mm-pistool is in sy besit gevind. Lede van IPID is onmiddellik van die voorval ingelig en het die misdaadtoneel bygewoon,” het Naicker gesê.
