Tydens die roof is daar op ‘n koerantafleweringsbestuurder wat by die vulstasie aangekom het, geskiet. Geen beserings is aangemeld nie.
’n 28-jarige vrou is gyselaar gehou terwyl drie mans ’n OTM gebombardeer en ’n brandstofvulstasie op Zuurfonteinweg in Spartan, Kempton Park beroof het.
Volgens Sebenza SAPD-woordvoerder, Sargent Sharon Tsotsotso, het die voorval kort voor 01:00 op 9 Julie, plaasgevind.
“Die slagoffer het as ‘n kassier in die motorhawe se winkel gewerk toe sy glas hoor breek.
“Drie mans het die winkel binnegekom. Twee van hulle was met ’n geweer en ’n pistool gewapen,” het Tsotsotso gesê.
Sy het bygevoeg dat die mans geëis het dat die slagoffer haar selfoon oorhandig en haar as gyselaar gehou het terwyl hulle die winkelkluis en OTM oopgeblaas het.
“Tydens die voorval het ‘n koerantafleweringsbestuurder by die toneel opgedaag.
“Een van die verdagtes het op hom geskiet en die venster van sy voertuig beskadig,” het Tsotsotso gesê.
Geen beserings is aangemeld nie.
Die verdagtes het van die toneel gevlug met drie selfone, sigarette en ‘n onbekende bedrag geld.
Die toneel is deur beamptes van die bomgroep en verskeie ander SAPD-eenhede bygewoon
