Mediaverklaring – Suid-Afrikaanse Polisiediens – 2024/07/09
Kantoor van die Provinsiale Kommissaris Wes-Kaap
KAAPSTAD – Pogings deur die Wes-Kaapse polisie om ons gemeenskappe van verbode vuurwapens en ammunisie ontslae te raak, was suksesvol toe verskeie volwasse mans in hegtenis geneem is op aanklagte van die besit van gekaapte voertuig, poging tot moord en die besit van verbode vuurwapens en ammunisie in afsonderlike gevalle.
Gisteraand (Maandag, 08 Julie 2024) omstreeks 23:10 het lede verbonde aan Maitland Flying Squad in Klipfonteinweg, Guguletu gepatrolleer toe hulle ‘n Toyota Avanza in aankomende verkeer sien ry het. Die lede het probeer om die voertuig te stop, maar die bestuurder het weggejaag. Skote is vanaf die Avanza afgevuur, wat daartoe gelei het dat die lede teruggeskiet het.
Die voertuig het tot stilstand gekom toe die bestuurder van die Avanza beheer oor die voertuig verloor en ‘n ongeluk gemaak het. Die verdagtes het uit die voertuig gespring en met lede agterna gevlug. Twee verdagtes, albei 21, is in hegtenis geneem. Lede het op die toneel beslag gelê op ‘n nagemaakte vuurwapen. Verdere ondersoek het aan die lig gebring dat die Avanza in Guguletu gekaap is. Die verdagtes is by Guguletu SAPD aangehou op aanklag van die besit van gekaapte voertuig en poging tot moord. Hulle moet in die Athlone-landdroshof verskyn sodra hulle aangekla is.
Intussen, op Maandag 08 Julie 2024 omstreeks 23:30, het lede opgetree op inligting wat ontvang is oor ‘n vuurwapen en dwelms wat by ‘n perseel in Thembisastraat, Malunga Park, Gugulethu gestoor is Met aankoms by die genoemde adres het hulle die perseel deursoek en ‘n vuurwapen en ammunisie in ‘n kluis gevind. Die verdagte kon nie ‘n geldige lisensie verskaf vir die besit van die vuurwapen nie. ’n 53-jarige man is in hegtenis geneem op aanklag van die onwettige besit van ’n vuurwapen en ammunisie. Verdere ondersoeke het aan die lig gebring dat die vuurwapen aan ‘n persoon behoort wat in Langa woonagtig is. Ondersoeke duur voort.
Die verdagte sal in die Athlone-landdroshof verskyn op die genoemde aanklagte sodra hy aangekla is.
In ‘n onverwante aangeleentheid het lede op Sondag, 07 Julie 2024 omstreeks 21:35 inligting opgevolg wat ontvang is oor ‘n persoon wat ‘n groen Toyota-motorvoertuig bestuur wat ‘n vuurwapen besit by ‘n adres in Champagnestraat, Wellington. Met hul aankoms by die geïdentifiseerde adres het die lede die verdagte genader wat binne die voertuig was. Hulle het die voertuig en beide die verdagtes deursoek waarop hulle ‘n 9 mm-vuurwapen met rondtes ammunisie onder die bestuurdersitplek gevind het. Die vuurwapen se reeksnommer is verwyder. Die verdagte is in hegtenis geneem op aanklag van die besit van verbode vuurwapens en ammunisie.
Hulle sal vandag (Dinsdag, 09 Julie 2024) op die genoemde aanklagte in die Wellington-landdroshof verskyn.
