Ondersoek word gedoen na die brand wat Sondag die hoofgebou van die Nasionale Distrikshospitaal in Bloemfontein verwoes het.
Pasiënte is ontruim nadat die brand uitgebreek het.
Monyatso Mahlatsi, LUR vir gesondheid in die Vrystaat, sê die Nasionale Distrikshospitaal in Bloemfontein sal vir die duur van die ondersoek gesluit bly nadat ‘n brand die eerste en tweede verdieping van die hospitaal verwoes het.
Die brand het Sondagmiddag buite die Pediatrie-afdeling ontstaan waar 83 pasiënte ontruim en na die Botshabelo-hospitale in Bloemfontein afgevoer is.
LUR Mahlatsi sê Arbeidsamptenare sal na verwagting inspeksies doen voordat die hospitaal weer vir die publiek oopgestel kan word.
“Die mense wat kom, ons wil van die geleentheid gebruik maak om ‘n oproep te maak dat ons mense wat nooddienste benodig, eerder na Pelonomi en Universitas hospitale moet gaan tot verdere kennisgewing.
“Ons laat die forensici toe om hul werk te doen en daarna het ek sopas met die departement van arbeid gekommunikeer dat hulle na die plek moet kom kyk en hulle sal vir ons sê wanneer die plek veilig is, om beset te word. Dit is eers dan dat ons kan terugkom en die dele gebruik wat nie deur die brand geraak is nie.” sê Mahlatsi
Mondli Mvambi, woordvoerder van die Vrystaatse gesondheidsdepartement, sê niemand is dood of beseer as gevolg van dié brand nie. Alle persone in die hospitaal is verantwoord.
