Jasmine Paolini het vir die eerste keer die Wimbledon vierde rondte gehaal deur Bianca Andreescu op indrukwekkende wyse te verslaan.
Die Franse Ope-finalis, sewende gekeur, het met 7-6 (7-4) 6-1 onder die dak op baan Een gewen.
Daar was min om die spelers in die eerste stel van mekaar te skei aangesien dit gelyk het asof albeo gereed was om by die eerste geleentheid aan te val, maar Andreescu kon nie haar peil handhaaf nie.
Die Italianer Paolini (28) is in die tweede week nadat sy nog nooit voorheen ‘n wedstryd by Wimbledon kon wen tot vanjaar nie.
Dit hou ‘n merkwaardige loopbaanoplewing voort – sy het nie verder as die tweede rondte van ‘n Grand Slam gevorder tot 2024 nie.
Sy sal die 12de gekeurde Madison Keys of die 18de gekeurde Marta Kostyuk in die laaste 16 speel.
Paolini en die Kanadees Andreescu het vyf weke gelede in die Franse Ope se derde rondte teen mekaar gespeel, toe die Italianer in drie stelle gewen het.
Dit was Andreescu se eerste toernooi in nege maande toe sy teruggekeer het van ‘n rugprobleem, die jongste in ‘n reeks ernstige beserings wat haar loopbaan knou sedert sy die Amerikaanse Ope as 19-jarige in 2019 gewen het.
Sy is nou 176ste op die wêreldranglys, en sy het haar teenstander se aanval in die eerste stel teen kon staan, maar het in die tweede verswak en die laaste ses wedstryde verloor met Paolini wat die oorwinning behaal het met ‘n rugslag wen hou.
“Ek dink ek het ’n goeie wedstryd gespeel,” het ’n verheugde Paolini gesê. “Ek het probeer om aggressief te wees, want, indien nie, sal ek so baie moes hardloop.”
Die 19de gekeurde Emma Navarro het die Russiese Diana Shnaider met 2-6 6-3 6-4 geklop en sal volgende teen die tweede gekeurde en mede-Amerikaner Coco Gauff of Brittanje se Sonay Kartal speel.
