Tien vermeende OTM-rowers sal na verwagting vandag hul borgtogaansoek in die Seshego-landdroshof buite Pietersburg in Noord-Transvaal indien.
Die beskuldigdes word verbind met OTM-bomaanvalle regoor die provinsie. Hulle is in Mei verlede jaar in hegtenis geneem.
Die borgtogaansoek is vir twee dae vasgestel.
Mashudu Malabi-Dzhangi, woordvoerder van die nasionale vervolgingsgesag, sê die beskuldigdes staan tereg op verskeie aanklagte.
“Die beskuldigdes is afkomstig van Lesotho en hulle staan tereg op 20 aanklagte wat wissel van die onwettige besit van vuurwapens, die onwettige besit van ammunisie, opsetlike saakbeskadiging, diefstal met plofstof, roof met verswarende omstandighede, ontvoering en oortreding van die Immigrasiewet.”
