Rwandese-gesteunde M23-rebelle het op Kanyabayonga, ‘n strategiese dorp in die Noord-Kivu-provinsie in die ooste van die Kongo, beslag gelê in ‘n stap wat daartoe lei dat hulle meer veld van die land se owerhede wen.
Kanyabayonga, die tuiste van meer as 60 000 inwoners en tienduisende ontheemdes, is strategies deurdat dit ‘n sleutelroete is na kommersiële spilpunte Butembo en Beni in die noorde.
Nog erger, dit is die vierde gebied in die Kivu-provinsie wat die rebelle betree het ná Rutshuru, Nyiragongo en Masisi.
Gegewe hul ongekontroleerde vooruitgang in die streek, bevind inwoners hulself nou vasgevang met nêrens om heen te gaan nie.
Nadat hulle die dorp ingeneem het, het Willy Ngoma, woordvoerder van M23, ‘n vergadering gehou en inwoners versoek om te bly.
Ten spyte van die groep se belofte van vrede, bly die situasie erg met baie wat vrees vir verdere rebelle-vooruitgang.
Die Kongo se president, Felix Tshisekedi, het sedertdien ‘n vergadering van die verdedigingsraad gehou in wat ‘n mens net kan aanvaar ‘n poging is om die rebelle se optog te stop.
