Middel- en hoë-inkomsteverdieners in die Stad Johannesburg is gewaarsku dat R200 vanaf Julie 2024 maandeliks afgetrek sal word wanneer hulle hul voorafbetaalde elektrisiteit herlaai om netwerk- en dienskoste te dek.
Die Nasionale Energiereguleerder van Suid-Afrika (NERSA) het die Stad se aansoek goedgekeur om ’n vaste tarief van R200 te hef vir gebruikers vir die instandhouding van sy infrastruktuur.
Isaac Mangena, City Power-woordvoerder, sê kliënte wat op voorafbetaalde meters is, is tans op die goedkoopste beskikbare tariefplan, wat nie ‘n basiese heffing insluit nie.
“Sou die klant egter aan die begin van die maand elektrisiteit vir minder as R400 koop, sal die betaling verdeel word tussen die dekking van die vaste heffing en heffings vir verbruik van elektrisiteit om te verseker dat die klant met elke aankoop tot die minimum aankoop ‘n paar kWh drempel van R400 bereik word. Dit sal egter nie moontlik wees om wanbetaling van die totale basiese heffing langer as een kalendermaand op te bou nie.”
