Hoof van die Direktoraat vir Prioriteitsmisdaadondersoek (Valke), Godfrey Lebeya, sê hulle het groot vordering gemaak om van die land se ernstige misdade aan te pak.
Lebeya het die media vandag ingelig oor die Valke se prestasies vir die vierde en laaste kwartaal van die 2023/24-boekjaar.
Hy sê in die kwartaal onder oorsig het hulle daarin geslaag om nog arrestasies en skuldigbevindings te bekom wat verband hou met die VBS Mutual-bankskandaal waarin munisipaliteite en burgers R2 miljard se beleggingsfondse bedrieg het.
Lebeya sê, “’n Totale aantal van 33 VBS-inhegtenisnemings is uitgevoer met ‘n totaal van drie reeds skuldig bevind. Ons werk nog aan die oorblywende 43 van die 76 verdagtes. Sommige van hulle is nie tydens die ondersoek geïdentifiseer nie. Tot dusver is 2900 verklarings aangeteken, en ondersoeke duur voort.”
Hy sê 22 polisiebeamptes is in die laaste kwartaal van die 2023/24-boekjaar vermoor.
“Polisiebeamptes is ‘n beskermende krag wat verseker dat wetsgehoorsame mense teen misdadigers beskerm word…22 polisiebeamptes, 17 van diens af, en vyf aan diens is gedurende die vierde kwartaal vermoor. Ons het gereageer en 18 arrestasies uitgevoer. Verder is agt beskuldigdes gevonnis, van wie vyf lewenslange tronkstraf opgelê is.”
