Beslag gelê is op Mandrax met ‘n straatwaarde van meer as R2 miljoen by Buffalo Flats in Oos-Londen.
Lede van die Oos-Londen Openbare Orde Polisiëring het ‘n wenk ontvang van ‘n 47-jarige man wat dwelms in Buffalo Flats verkoop.
Die polisie het vanoggend in die vroeë oggendure die dwelms in die verdagte se slaapkamer gevind waar dit versteek in ‘n wasmandjie gevind is.
Christopher Wright, kommissaris van die SAPD, sê hy waardeer die pogings deur die gemeenskap om te help in die stryd teen dwelms en dat hulle waardevolle inligting gedeel het wat gelei het tot die beslaglegging op die dwelms.
Die verdagte staan tereg op ‘n klag van handel in dwelms.
Hy sal na verwagting binnekort in die Oos-Londen landdroshof verskyn
