‘n Ma en pa van ‘n tweejarige dogtertjie wat haar lewe verloor het, sal weer op 20 Junie 2024 in die Palm Ridge Hooggeregshof verskyn vir die moord op hul dogtertjie
Ouers van Alberton-Noord het op 7 Junie 2024 in die Palm Ridge-landdroshof verskyn vir die moord op hul tweejarige dogtertjie.
Die egpaar het na bewering hul dogtertjie in Mei 2021 vermoor, en die resultate wat deur forensiese ondersoeke verskaf is, het aan die lig gebring dat die tweejarige aan haar beserings beswyk het wat glo 12 dae voor haar dood op 15 Mei 2024 toegedien is.
Tydens die hofverrigtinge het die staatsaanklaer verklaar dat met betrekking tot die beweerde moord, die ma (beskuldigde een) en die pa (beskuldigde twee), albei hul drie kinders mishandel het maar, dit was ‘n onvoorsien dat een van die drie kinders haar lewe sou verloor.
Beide die ouers was dwelmgebruikers en die hof het bewys dat dat hulle steeds voortgegaan het om dwelms te gebruik nadat maatskaplike werkers deur die kinderhof opdrag gegee is om die kinders weer in die ouers se sorg terug te plaas.
Agtergrond oor die saak
Dit het onder die aandag van die Alberton Record gekom dat ‘n Alberton-Noord-egpaar in die hof verskyn ná die dood van hul tweejarige dogtertjie op 15 Mei 2021 weens beserings wat sy opgedoen het. Die maatskaplike werkers het die kinders twee keer uit die sorg van die ouers verwyder as gevolg van dwelmmisbruik.
In 2019 het die hof beslis dat die egpaar se drie kinders uit hul sorg verwyder moet word aangesien hulle albei dwelmgebruikers was en nalatig en ongeskik was om vir die kinders te sorg. Die kinders is egter in Desember 2019 aan die gesin terugbesorg, aangesien die ma en pa terapie ondergaan het en “skoon” was. Die ouers het in 2020 weer begin om dwelms te gebruik en die kinders is weer in Junie 2020 verwyder net om weer in Desember 2020 aan die ouers terugbesorg te word.
Die ma, beskuldigde een, het gesê toe sy haar man, beskuldigde twee, ontmoet het, het sy nie dwelms gebruik nie, maar haar man het haar in 2013 aan dit voorgestel.
“Toe ons ontmoet het, was alles net goed en perfek, maar dinge het binne ‘n kort tydjie verander omdat ek emosioneel en fisies mishandel is deur ‘n man wat ek my man genoem het. My kinders het dieselfde deurgemaak en ek het stilgebly omdat hy finansieël vir my gesorg het,” het sy gesê.
Hofverrigtinge
Beide beskuldigdes staan tereg op aanklagte wat moord, geslagsgebaseerde geweld, verkragting en mishandeling insluit.
Dit is deur die staatsaanklaer aan die hof gestel dat die ouers al drie hul kinders mishandel het en versuim het om hulle groot te maak soos verwag word deur die Kinderhof.
Hul oudste, wat in 2021 agt jaar oud was, het in die hof getuig hy is doelbewus deur sy ma met warm water verbrand terwyl hulle hom oor sy gedrag berispe het.
Dit is ook aan die lig gebring dat volgens mediese toetse wat deur ‘n mediese beroepspersoon verskaf is en wat in die saak getuig het, die oorledene se privaat deel en anus kragtig gepenetreer is.
Volgens die staatsaanklaer het beskuldigde een getuig dat beskuldigde twee die een is wat die oorledene met geweld gepenetreer het.
Die mediese verslae wat beskikbaar gestel is as bewysstukke in die hof het ook getoon dat die oorledene se been gebreek was tydens ‘n pak slae wat haar dood veroorsaak het.
Die staat het aan die landdros bewys dat die ouers verantwoordelik gehou moet word vir die dood van die tweejarige omdat hulle nie ag geslaan het op hul dogtertjie se pyn en haar hospitaal toe geneem het nie.
“Edelagbare, laat ek aan u verduidelik hoe die kind gesterf het volgens my ondersoek. Die kind is deur albei ouers geslaan. Sy is teen ‘n muur gegooi en verwurg omdat sy nie kos kon eet wat vir haar gegee is nie. Die ouers het nie gedink dat dit so ver sou gaan dat hul dogtertjie aan haar beserings sou beswyk nie, want hulle het haar daagliks aangerand,” het die staatsaanklaer gesê.
Die oudste kind het ook getuig dat die oorledene deur sy pa teen kaste gegooi is. Berigte het verder aan die lig gebring dat die oorledene by verskeie geleenthede met haar ontlasting op haar gesig gesmeer is.
Beide die staat en verteenwoordigers het hul argumente voor die landdros ingedien en die uitspraak sal op 20 Junie 2024 aangehoor word.
Beide die man en vrou is vandag, 20 Junie 2024, skuldig bevind aan onder andere verkragting en moord in die Palm Ridge Hooggeregshof. Ons berig verder sodra ons meer inligting kry
